Uagut
Majas Optik-imi pisiniartugut pitsaanerpaamik qinigassikkusuttuaannarpagut, nalinginnaasuuppat immikkuullarippalluunniit.
Isarussat sinissai immikkut sanatitassanik eqqarsaruit imaluunniit linsit nalinginnaasuunngitsut, aamma taakkua sapinngilagut.
MAJA
Nuummi isarualerisoq inuppalaartoq
Maja isarualerisutut linsinullu immikkut ilinniagaqarpoq 2011-mi naammassilluni.
Majap sinnattoriuaannarnikuua namminersorluni isaruaarniarfiuteqalernissani, pisisartunut allaanerusunik neqerooruteqarsinnaalluni.
Taamaammat 2019-mi periarfissaq takkummat aaliangerneq ajornarsimanngilaq.
Pitsaassuseq, suliamut pikkorissuseq peqqusersuinerlu Majap pingaartitarivai, taamaammat sulisut ilisimasat nutaanut eqqummaarinnissaat ilimagineqarsinnaavoq.
Majas Optik pisiniarfik iseruminarnissaa angorusupparput, kikkulluunniit isersinnaallutik tiimik kaffimilluunniit najoqqaasinnaallutik oqaloqatigiinnissamullu inissaqarluni.
Rikke
ISARUALERISOQ
Isarualerisoq sinerissami angalasoq
Nuummi pisiniarfiuteqarpugut, kisianni aamma Maja sineriammi angalasuuvoq. Angalanermi pitsaatipparput innuttaasut sullilluarnissaat.
Misissuinermi atortorissaarutit angalanermi nassartarpagut, misissortereernermilu sakkortussutsit isaruaasani misilinneqarsinnaasarput.
Misissuinerit ataatsimiittarfinni katersortarfinniluunniit pisarput.
Kofoed Skole
Inuit kikkuugaluartulluunniit isigisaqarnissaannik ikiorusuppagut.
Taamaammat august 2020-mi Nuummi Kofoed Skole peqatigalugu suleqatigiilerpugut, pissakinnerit isaruartaarnissaannik periarfissikkusullugit.
Inuinnaat isaruakuminnik tunniussinerminni taamaasillutik inunnut pisariaqartitsisunut ingerlaqqissinnaanerat qujanaqaaq.
